ყველასთვის კარგად ნაცნობი და საყვარელი მომღერალი ნინი ბადურაშვილი ტელეეკრანებზე ხშირად ჩანს. ის აქტიურია სოციალურ ქსელში
ამჯერად მან „დილის შოუში“ უხერხული კითხვების შესახებ ისაუბრა და აღნიშნა, რომ წონისა და დაოჯახების შესახებ ხშირად ეკითხებიან:
„ამ ბოლო დროს ხშირად მეკითხებიან, რა გჭირს, რატომ გახდიო? ვცდილობ, არ მივაქციო ყურადღება, მაგრამ მაინც მაფიქრებინებს, რომ მართლა ცუდად გამოვიყურები. ყოფილა შემთხვევა, სარკეში ჩამიხედავს და მართლაც საშინლად მომჩვენებია საკუთარი თავი. ახლა გეტყვით, მომწონს, როგორც გამოვიყურები. კომფორტულად ვგრძნობ თავს ამ წონაში.
გარდა ამისა, 18-19 წლის ასაკიდან უკვე მეკითხებოდნენ, როდის თხოვდები? დაბერდი უკვე, ასაკში ხარ… დამაკომპლექსეს. მეგონა, რომ ხანშიშესული ვიყავი… 26 წლის ვიყავი, როცა გავთხოვდი.მინდა მოგმართოთ, მთავარია, თუ თქვენ სარკეში ყურებისას გაკმაყოფილებთ საკუთარი ვიზუალი. არ დაიძაბოთ სხვების კომენტარებზე, არ იფიქროთ იმაზე, ვინ რას გეკითხებათ. მთავარია, საკუთარ თავში ვიყოთ დარწმუნებული“, – თქვა ნინი ბადურაშვილმა.
