“არანაირი წილები, მწერლის და რეჟისორის ოჯახია” – რა გახდა გუშინ, თბილისში მომხდარი სისხლიანი დაპირისპირების მიზეზი

გუშინ, მშრალი ხიდის მიმდებარე ტერიტორიაზე, ინცინდენტი მოხდა, რომლის შედეგადაც, დაჭრილია ორი ადამიანი, მათ შორის – საპატრულო პოლიციის თანამშრომელი.

აღნიშნულ საქმესთან დაკავშირებით, დაკავებულია სავარაუდო დამნაშავე – 39 წლის მამაკაცი.

როგორც ირკვევა, ის ნოდარ ვაშაკიძეა, ერთ-ერთი დაჭრილი კი თემურ ანჯაფარიძეა.

თავდაპირველად გავრცელდა ინფორმაცია, რომ დაპირისპირების მიზეზის ბიზნეს-წილები გახდა.

„ტვ პირველი“ დაჭრილის ოჯახს დაუკავშირდა.

„არაფერი, ვიღაც პათოლოგის გულისთვის. არანაირი წილები, მწერლის და რეჟისორის ოჯახია. სრულიად ნეიტრალური… ნასვამი იყო ის საცოდავი ბიჭიც. არანაირი, რაღაც სისულელე რომ იწერება, მსგავსი არაფერი არ არის.
(ჟურნალისტის კითხვა: იცნობდა თუ არა ნოდარ ვაშაკიძეს?) არ ვიცი, არ ცხოვრობს აქ თეიმურაზი და დიდი ადამიანია, არა მგონია.
(ჟურნალისტის კითხვა: „ორგანიკის“ ბიზნეს მეწილეა) რა დებილობაა, ამაზე ელისო კილაძეს გაეცემა პასუხი,“ – ამბობს ანჯაფარიძის დედა „ტვ პირველთან“ ინტერვიუში.