“ჩხუბი ბიზნეს პარტნიორებს შორის წილების გამო მოხდა” – მშრალ ხიდთან მომხდარი შემთხვევის ახალი დეტალები

გუშინ, მშრალი ხიდის მიმდებარე ტერიტორიაზე, ინცინდენტი მოხდა, რომლის შედეგადაც, დაჭრილია ორი ადამიანი, მათ შორის – საპატრულო პოლიციის თანამშრომელი.

აღნიშნულ საქმესთან დაკავშირებით, დაკავებულია სავარაუდო დამნაშავე – 39 წლის მამაკაცი. როგორც ირკვევა, ის ნოდარ ვაშაკიძეა.

„ტვ პირველმა“ მომხდარის შესახებ ახალი დეტალები გაავრცელა.

აღნიშნული მედიის ცნობით, ჩხუბი ბიზნეს პარტნიორებს შორის წილების გამო მოხდა. საღამოს საათებში ორი მამაკაცი ნასვამ მდგომარეობაში იმყოფებოდა, რა დროსაც მათ შორის სიტყვიერი დაპირისპირება დაიწყო.