ქ.ტყიბულის N4 საჯარო სკოლა სამწუხარო ინფორმაციას ავრცელებს

ქ.ტყიბულის N4 საჯარო სკოლა სამწუხარო ინფორმაციას ავრცელებს:

“გარდაიცვალა და ქალაქს დააკლდა ღვაწლმოსილი ხელოვანი, სამაგალითო პიროვნება და ქალაქზე უზადოდ შეყვარებული ბატონი ნოდარ ვახტანგაძე.
სსიპ ქალაქ ტყიბულის N4 საჯარო სკოლის პედაგოგიური კოლექტივი, მოსწავლეები ღრმა მწუხარებას გამოვთქვამთ და ვუსამძიმრებთ ოჯახს.
გვინდა გავიხსენოთ, რომ ჯერ კიდევ თვენახევრის წინ პროექტის ფარგლებში ,,ქალაქის ისტორიული მემკვიდრეობა” N4 საჯარო სკოლის მოსწავლეები და პედაგოგები ვესტუმრეთ ბატონ ნოდარს.
დიდი იყო მისი სიხარული და აღფრთოვანება. სიამაყით იხსენებდა მის მიერ ღირსეულად განვლილ ცხოვრების გზას, მადლობას სწირავდა უფალს, რომ ქალაქისათვის ბევრი რამ გააკეთა და მის სახელთან ასოცირდება მოსწავლე ახალგაზრდობის სასახლის აღორძინება.
აგრეთვე მისგან შევიტყვეთ, რომ იყო ავტორი უამრავი ლექსის, სიმღერის და ტყიბულის ჰიმნის, რომელსაც დღესაც დიდი სიყვარულით მღერიან ძველი თაობის ტყიბულელები”