უნივერსიტეტის ქუჩაზე საავტომობილო მოძრაობა ორმხრივად 4 დეკემბრიდან აღდგება – ამის შესახებ თბილისის მერმა, კახა კალაძემ განაცხადა.
“ქუჩის რეაბილიტაციის სამუშაოები, ფაქტობრივად, დასრულებულია. საგზაო ნაწილი ბოლო ფენებშია მოქცეული და ორშაბათიდან უკვე მოძრაობა ორმხრივად იქნება შესაძლებელი. ის დისკომფორტი და პრობლემა, რაც ამდენი ხნის განმავლობაში, ორშაბათიდან მთლიანად მოხსნილი იქნება” – ამბობს კალაძე ვიდეომიმართვაში.