როგორ შეცვალა საკუთარი თავი და ცხოვრება ბოლო წლებში, თიკა ჯამბურიამ, ამ თემაზე მან “რადიო ფორტუნასთან” ისაუბრა:
თიკა, შენს ცხოვრებაში დიდი ცვლილებებია და აშკარად ახალი ეტაპი. როგორია ეს ახალი ეპიზოდი?
– გამოფხიზლების, ჩემი მიზნების ასრულების, ისეთი რაღაცების გაკეთების, რაც ძალიან დიდი ხანი მინდოდა და სიზარმაცე თუ სხვა რამ ხელს მიშლიდა. ამ ყველაფერს მინდა მოვერიო.
პირველი „წკაპი“ რა იყო, რომელი დღე იყო ისეთი, როდესაც ადექი და თქვი, რომ სხვა ეტაპი გინდოდა ცხოვრებაში?
– ასეთი ერთი დღე არ ყოფილა. უბრალოდ, ყველაფერს თავისი დრო აქვს ცხოვრებაში. ისეთ დროს ხდება ისეთი რაღაცები, როდესაც ყველაზე მეტად გჭირდება.
საქმიანობის კუთხით ყველაფერი კარგადაა… სიყვარულისთვის თუ სცალია თიკას?
– არ მინდა ამ თემაზე ზედმეტი ყურადღების გამახვილება. კი, კარგად ვარ, ბედნიერი ვარ და არ მინდა, ჩემი საუბრით ამ ბედნიერებას ხელი შევუშალო…