ტყუპები
ტყუპებისთვის შესაძლოა, დეკემბერი საკმაოდ ემოციური პერიოდი აღმოჩნდეს და ერთგვარი გაურკვევლობაც იგრძნოთ. თქვენს გეგმებთან და მიზნებთან დაკავშირებით ეჭვები გაგიჩნდეთ და ვეღარ მიხვდეთ, რეალურად მიღწევადია, თუ არა ის, რასაც გეგმავთ. 6 დეკემბერს პლანეტა ნეპტუნი თევზების ნიშანში შედის, რაც თქვენს თავდაჯერებულობასა და ხასიათის ცვლილებაზეც აისახება და ოპტიმისტური ფიქრებიც გაგიჩნდებათ. ასტროლოგები მთავარი რჩევაა, რომ არ მიიღოთ ნაჩქარევი გადაწყვეტილებები, ყველა შანსი გამოიყენეთ და ნუ მიეცემით იმედგაცრუებას. ემოციური პერიოდი მალე გადაივლის, საკუთარ თავში მოტივაციას კვლავ იპოვით და შეძლებთ იმ მიზნებისა და ოცნებების განხორციელებას, რაზეც უკვე დიდი ხანია, ფიქრობთ.
კირჩხიბი
ზოდიაქოს ამ ნიშნის წარმომადგენლები დეკემბრის თვეში უენერგიობასა და უმოტივაციობას იგრძნობენ. ემოციურმა ფონმა კი შესაძლოა, კომუნიკაცია გაგირთულოთ, საყვარელ ადამიანებთან, საქმიან გარემოში კონფლიქტის წამოწყების ინიციატორი გახდეთ და თავი ცუდად იგრძნოთ. ეს ყველაფერი კი იმის გამო ხდება, რომ ზედმეტად გადაიღალეთ. საკუთარ თავზე აიღეთ ის პასუხისმგებლობები, რომლებიც საერთოდ არ იყო თქვენი ვალდებულება. ასტროლოგები გირჩევენ, რომ დრო განტვირთვისთვის, მშვიდად ყოფნისთვის აუცილებლად გამონახოთ. წინააღმდეგ შემთხვევაში, ემოციურად თავს ცუდად იგრძნობთ და გარკვეული საქმეების შესასრულებლად მოტივაცია აღარ გეყოფათ. ეს კი შედეგზეც აისახება.
თევზები
2023 წლის დეკემბერი ზოდიაქოს აღნიშნული ნიშნის წარმომადგენლებისათვის ერთგვარი გადაფასების პერიოდი იქნება. უნდა დაფიქრდეთ, რისი მიღწევა გსურთ, სადაა თქვენი ადგილი, რისი გაკეთება შეგიძლიათ და რას აკეთებთ ახლა. შესაძლოა, აღმოაჩინოთ, რომ ის საქმე, რომელსაც ემსახურებით, სულაც არაა თქვენი ნამდვილი მოწოდება და სიახლეები გჭირდებათ. ამის გამო კი გაზრდილი შფოთვა და დაბნეულობა იგრძნოთ, გადაწყვეტილებების მიღება გაგიჭირდეთ. ასტროლოგების მთავარი რჩევაა, რომ კარგად დაფიქრდეთ თქვენს სურვილებსა და მიზნებზე და ჩამოაყალიბოთ კონკრეტული გეგმა იმაზე, თუ რისი მიღწევა გსურთ. აღნიშნული გეგმა გაჩვენებთ, რა ნაბიჯები უნდა გადადგათ, ცვლილებებსა და სიახლეებს შიში ყოველთვის ახლავს – მთავარია, თქვენი მიზნები და ოცნებები გახსოვდეთ და მათ მისაღწევად ყველაფერი გააკეთოთ.