აჭარაში გუშინ ბოლო 100 წელში ყველაზე ძლიერი, 8-ბალიანი შტორმი, დაფიქსირდა. აღნიშნულ საკითხთან დაკავშირებით, “მეტრონომი” სინოპტიკოს სვეტლანა ნიორაძეს ესაუბრა.
არის თუ არა შესაძლებელი იმის პროგნოზირება განმეორდება თუ არა მსგავსი სიძლიერის შტორმი?
შტორმი იყო მთლიანად შავი ზღვის სანაპირო ზოლზე, როგორც აცხადებენ 1 %-იანი უზრუნველყოფა აქვს, ანუ 100 წელიწადში ერთხელ მეორდება. მე მახსოვს 60-იან წლებში აფხაზეთში, ბიჭვინთაში იყო ძალიან ძლიერი შტორმი იქ სანაპიროზე პანსიონატები რომ არის აშენებული იქამდე მივიდა ტალღა და მოხდა დამსვენებლების ევაკუაცია.
ზუსტად პროგნოზირება განმეორდება თუ არა ასეთი სიძლიერის შტორმი, ამ ეტაპზე მიჭირს. ეს ძალიან ბევრ ფაქტორთან არის დაკავშირებული, მაგალითად, როგორი პროცესები განვითარდება ატმოსფეროში. . უკრაინაში იყო ძალიან ძლიერი ქარები, ჩვენთან მსგავსი სიძლიერის არ ყოფილა. უკრაინაში, თურქეთსა და ბულგარეთში შტორმს მოჰყვა მსხვერპლი. ჯერ იქ დაიწყო სტიქია დამოიარა შავი ზღვის აკვატორია და მერე უკვე ბოლოს მოვიდა ჩვენთან. დამანგრეველი ძალა არ ჰქონდა თვითონ ქარს, თუმცა შტორმი იყო უძლიერესეი. მეც არ მახსოვს ასე ერთდროულად მთელს სანაპირო ზოლზე შტორმი. აფხაზეთში, სოჭშიც ძალიან ძლიერი იყო.
შავ ზღვაში არის თუ არა შესაძლებელი ცუნამი წამოიქმნას?
შავ ზღვაში ცუნამი გამორიცხულია. ცუნამი სულ სხვა რამ არის. შავ ზღვაში ცუნამი არ არსებობს.