2003 წლის „ვარდების რევოლუციიდან“ 20 წელი გავიდა.
გავიხსენოთ, რატომ ეწოდა ამ რევოლუციას ზემოაღნიშნული სახელი.
დემონსტრანტების გარკვეული ნაწილი, რომლებიც 2003 წლის 2 ნოემბრის საპარლამენტო არჩევნების შედეგებს არ აღირებდა და აცხადებდა, რომ არჩევნები გაყალბდა, საპროტესტო აქციაზე წითელი ვარდებით ხელში ჩნდებოდნენ.
დემონსტრანტების ამ ნაწილს წითელი ვარდები ეჭირა მაშინაც, როცა ისინი, მაშინდელი ოპოზიციის ერთ-ერთი ლიდერისა და მომავალი პრეზიდენტის, მიხეილ სააკაშვილის მეთაურობით, პარლამენტის სხდომაზე შეიჭრნენ.
იმ დროს მაშინდელი მთავარსარდალი, ედუარდ შევარდნაძე, საკანონმდებლო ორგანოში მეხუთე მოწვევის პარლამენტის პირველ სხდომაზე სიტყვით გამოდიოდა. შევარდნაძის ეს გამოსვლა დემონსტრანტებმა ჩაშალეს. ის დაცვამ პარლამენტის დარბაზიდან გაიყვანა. მთავარი ტრიბუნა სააკაშვილმა და მასთან ერთად დარბაზში შეჭრილმა დემონსტრანტებმა დაიკავეს. სწორედ მაშინ დალია სააკაშვილმა შევარდნაძის ჩაიც. რევოლუციონერები წითელ ვარდებს ისროდნენ.
თავად სააკაშვილიც, რევოლუციის გამარჯვების ნიშნად, წითელ ვარდებს ისროდა აქციაზე. ამასვე აკეთებდნენ რევოლუციის სხვა ლიდერები, ზურაბ ჟვანია და ნინო ბურჯანაძე.
ასე იქცა ვარდი 2003 წლის რევოლუციის მთავარ სიმბოლოდ და აღნიშული მოვლენას „ვარდების რევოლუცია“ ეწოდა.