გუშინ მომღერალი კოსტა სანიკიძე საკუთარ სახლში დაჭრეს. აღნიშნულთან დაკავშირებით, 24 წლის გიორგი გველესიანია დაკავებული.
„ტვ პირველმა“ დაკავებულის მამასთან ექსკლუზიური ინტერვიუ ჩაწერა.
„მეც მერე გავიგე ეს ყველაფერი, როცა ტელევიზიით გავრცელდა ამბავი. პირველი თავდასხმის შესახებაც არაფერი ვიცოდი. როგორც თქვენ ხართ გაოგნებული, ისე ვარ მეც. რთული ფსიქოლოგიური მდგომარეობა ჰქონდა, მაგრამ ასეთ რაღაცას არც მე და მისი არც მეგობრები არ ველოდით. ვისაც ვკითხე – მის მეგობრებს, ახლობლებს, ნაცნობებს, იცნობდნენ თუ არა კოსტას, ან გიორგი თუ იცნობდა მასთქო, ყველამ თქვა, რომ ეკრანიდან იცოდნენ. ეს რომ, ამ მდგომარეობაში მყავდა (მძიმე ფსიქოლოგიური მდგომარეობა) ფაქტობრივად, მე ვუწექი გვერდით. 6 საათზე სახლში იყო. მერე დამეძინა და გამეპარა 7 საათისკენ“, – ამბობს თამაზ გველესიანი „ტვ პირველთან“