გუშინ, მომღერალი კოსტა სანიკიძე საკუთარ სახლში დაჭრეს. ამ საქმეზე 24 წლის გიორგი გველესიანია დაკავებული.
ამჟამად მომღერლის მდგომარეობა სტაბილურია. ის გონს მოვიდა და, შესაძლოა, პოლიციამ დღეს დაკითხოს.
კოსტას ახლობლებისთვის აღნიშნული შემთხვევის მოტივი უცნობია.
„ამ თემაზე არ იყო საუბარი, შესაბამისად არც მე ვიცი ზუსტად სიმართლე გითხრათ რა ჰქონდათ კომუნიკაცია. მტერი არ ჰყავდა, კოსტა უკარგესი, უკეთილესი პიროვნებაა, შესაბამისად, მტრებიც არ ჰყავდა. მართლა არ ვიცით არავინ, რა იყო მოტივი. ეს სახელი და გვარი არავის არაფერს არ გვეუბნება. პირველად რომ იყო, სახლი შეეშალა, მეორედ უკვე ზუსტ მისამართზე მივიდა”, – ამბობს სანიკიძის მეგობარი.