წვიმა, თოვლი და ქარბუქი – მეტეოროლოგი მოსალოდნელი ამინდის შესახებ გვაფრთხილებს

მეტეოროლოგი კობა ფარტენაძე, ამინდის პროგნოზის შესახებ, სოციალურ ქსელში ახალ პოსტს აქვეყნებს.

„ბოლო შეფასებების მიხედვით; დღეიდან (საღამოდან) საქართველოში, განსაკუთრებით დასავლეთში მოსალოდნელია ძლიერი წვიმა (51-100 კგ/მ2/12 სთ). მოსალოდნელია, რომ ნალექი(20 სმ-ზე მეტი) ამაღამ 1500 მ სიმაღლეზე , ხოლო ხვალ დღისით (ორშაბათი) ამინდის გაცივების გამო, მაღალ სიმაღლეებზე 900-1000 მ-ზე იქნება თოვლისა და ქარბუქის სახით, მთელს ქვეყანაში ხვალ იქროლებს დასავლეთის ძლიერი ქარი, ტემპერატურა მკვეთრად დაეცემა.
ზღვაზე იქნება ძლიერი შტორმი!
საჭიროა სიფრთხილე გამოიჩინოთ ისეთი ნეგატიურ მოვლენებთან, როგორიცაა წყალდიდობა, მეწყერი, ტრანსპორტის შეფერხება, ქარბუქი მთიან ზონაში.
მშვიდობას გისურვებთ.
მეტეოროლოგი – კობა ფარტენაძე“, წერს ის.