“საქართველოში აცივდა, არსებულთან შედარებით ტემპერატურამ 10 გრადუსით დაიკლო” – რას წერს მეტეოროლოგი

ცნობილი მეტეოროლოგი კობა ფარტენაძე სოციალურ ქსელში მოსალოდნელ ამინდთან დაკავშირებით ინფორმაციას ავრცელებს:

“ძალიან წუხდით თბილ შემოდგომაზე გილოცავთ! საქართველოში აცივდა, არსებულთან შედარებით ტემპერატურამ 10 გრადუსით დაიკლო, ასე ბალანსდება სამყაროში ყველაფერი – ვინც შეირგეთ ზრაპრული დღეები დაგრჩათ ბედნიერება, ვინც წუწუნებდით და მზემაც ვერ გადაფარა თქვენი სევდა დაგრჩათ წუხილი!
ხვალ, შაბათს საქართველოში გვექნება ხანმოკლე გამოდარება, ქარი ჩადგება და მზიანი დღე გაგვითენდება, დასავლეთში მაინც მოახერხებს ტემპერტურა +20 გრადუსამდე მომატებას, აღმოსავლეთში კი +13 გრადუსი იქნება.
კვირას – დღის ბოლოდან ამინდი ისევ შეიცვლება დასავლეთში ყველგან, აღმოსავლეთში კი ზოგან გაწვიმდება.
ორშაბათი ყველგან წვიმიანი იქნება.
როგორც ამბობენ ,,არ არსებობს კარგი ან ცუდი ამინდი, აქ არის მხოლოდ ამინდი და თქვენი დამოკიდებულება მის მიმართ”
ბედნიერ დასვენების დღეებს გისურვებთ.
მეტეოროლოგი – კობა ფარტენაძე”