„ინფო რუსთავის“ ცნობით, რუსთავში, ავტომობილი, რომელშიც ნეფე-პატარძალი იმყოფებოდა, ქვეითს დაეჯახა.
მანქანა „მერსედესის“ მარკის, Maybach-ის მოდელი იყო.
დაშავებული სასწრაფო დახმარების ეკიპაჟმა ქალაქის ცენტრალურ საავადმყოფოში გადაიყვანა.
იმავე მედიის ინფორმაციით, პაციენტის სიცოცხლეს საფრთხე არ ემუქრება.
ამასთან, ავტომობილი ევაკუატორმა საჯარიმო სადგომზე გადაიყვანა. წყვილს ქორწილში ალტერნატიული ავტომობილით მოუწია წასვლა.