“გვექნება მკვეთრი გაავდრებაც და გამოდარებაც” – რას წერს მეტეოროლოგი

გვექნება მკვეთრი გაავდრებაც და გამოდარებაც – ამის შესახებ სოციალურ ქსელში ცნობილი მეტეოროლოგი კობა ფარტენაძე წერს.

“მიმდინარე კვირა დატვირთული იქნება საკმაოდ რთული მეტეო პარამეტრებით, ერთდღიანი მონაცვლეობით სახეზე გვექნება მკვეთრი გაავდრებაც და გამოდარებაც.
სწორედ ეს დღეები გვაფიქრებინებს, რომ დასრულდა ეს ზღაპრული და თბილი პერიდი და მეორე მხრივ მოგვცემს იმედს, რომ ჯერ არა!
დავიწყოთ კონკრეტული დღეებით:
მოკლედ ვიტყვი – დღეს მთელს ქვეყანაში უნალექო და თბილი ამინდი იქნება.
ხვალ, სამშაბათს, დღის მეორე ნახევრიდან გაწვიმდება და გაძლიერდება დასავლეთის ქარი მთელს ქვეყანაში, ტემპერატურა დღევანდელთან შედარებით დაიკლებს.
ზეგ, ოთხშაბათს, გამოიდარებს ყველგან, დათბება, უნალექო ამინდის მიუხედავად დასავლეთისგან განსხვავებით, აღმოსავლეთ საქართველოში ქარი არ ჩადგება.
ხუთშაბათს, დღის მეორე ნახევრიდან კვლავ გაავდრდება, ასევე პარასკევსაც დასავლეთში ყველგან და აღმოსავლეთში ზოგან იწვიმებს, ტემპერატურა დაიკლებს და იქროლებს დასავლეთის ძლიერი ქარი.
მიმდინარე კვირაში ზღვაზე შტორმული სიტუაცია ორჯერ დაფიქსირდება, ტალღის სიმაღლე განსაკუთრებით მაღალი იქნება 17 ნოემბერს.
მაღალმთიან ზონაში ნალექი ყველგან იქნება თოვლის სახით.
გპირდებით ეს არ იქნება დასასრული მზიანი და თბილი დღეების, ისევ ბევრჯერ მოგიყვებით კარგ ამინდზე.
ბედნიერებას გისურვებთ
მეტეოროლოგი – კობა ფარტენაძე”