„მზის სისტემაში არამიწიერი სიცოცხლის ძებნისას, სატურნის მთვარე ენცელადისადმი ინტერესი სულ უფრო იზრდება.
ენცელადისა და მისი ყინულების ქვეშ არსებული ოკეანის შესახებ ძირითადად კასინის მისიისგან ვიცით. სატურნის სისტემის კვლევა კასინიმ 2017 წელს დაასრულა, მაგრამ მის მიერ შეგროვებულ მონაცემებს მეცნიერები დღემდე ამუშავებენ.
ამ მონაცემებზე დაყრდნობით ჩატარებული ახალი კვლევა აძლიერებს იდეას, რომ ენცელადს სიცოცხლისთვის აუცილებელი ყველა ქიმიური ნივთიერება აქვს.
მისიისას, კასინიმ ენცელადის ყინულის ქერქიდან ამოფრქვეული წყლის გეიზერების მსგავსი ჭავლები დააფიქსირა. 2008 წელს, კასინიმ ენცელადს ახლოს გადაუფრინა და ჭავლებს ანალიზი თავისი ხელსაწყო კოსმოსური მტვრის ანალიზატორით (CDA) ჩაუტარა.
ამ ანალიზებმა აჩვენა, რომ ჭავლების წყალი აქროლადების საოცარ ნაზავს შეიცავდა, მათ შორის ნახშირორჟანგს, წყლის ორთქლსა და ნახშირჟანგს (ნახშირბადის მონოოქსიდი). ასევე მიაგნო მცირე ოდენობით მოლეკულურ აზოტს, მარტივ ნახშირწყალბადებსა და კომპლექსურ ორგანულ ქიმიურ ნივთიერებებს…“ კითხვა განაგრძეთ ბმულზე