„ბოლო პერიოდში, ალბათ, ბევრს მოგხვდათ თვალში მოდელი ჭაღარა თმით, რომელმაც გამოჩენისთანავე განსაკუთრებული ინტერესი გამოიწვია. ელენემ 57 წლის ასაკში გადადგა გაბედული ნაბიჯი და ახალი პროფესიით დაკავდა. დარწმუნებული ვარ, მისი ცხოვრება ბევრისთვის გახდება სტიმულის მიმცემი.
ელენე ჭანიშვილი: ხელოვანი მამა მყავს, ქორეოგრაფი – რეზო ჭანიშვილი. მან მოახერხა საკუთარი სიტყვა ეთქვა ქართულ ქორეოგრაფიაში. სამწუხაროდ, დედა – დოდო იმერლიშვილი, გარდამეცვალა. ის დიასახლისი იყო, მაგრამ ხელოვანი – არაჩვეულებრივად მღეროდა და ჩონგურზე უკრავდა. ჩემი ძმა – გელა ჭანიშვილიც ცეკვავდა და საკმაოდ წარმატებული დრამერი იყო. ამასთან ერთად, არაჩვეულებრივად ხატავს. მამა ამბობს ხოლმე, ჭანიშვილები ვცეკვავთ, ვხატავთ ან ვმღერით, მაგრამ ჩემი შვილი თუ ამ ასაკში პოდიუმზე გავიდოდა, ამას ნამდვილად ვერ ვიფიქრებდიო. მან, როგორც ქორეოგრაფმა, ძალიან კარგი რჩევები მომცა სიარულის მანერასთან დაკავშირებით.
– სინამდვილეში პროფესიით ვინ ხართ?
– რუსეთში საფეიქრო დავამთავრე. ფაბრიკაში დიდ დანადგარებთან ვმუშაობდი, ბამბისგან ძაფებსა და ქსოვილებს ვამზადებდით. სხვათა შორის, ძალიან საინტერესო იყო. საქართველოში 90-იანებში დავბრუნდი და მოგეხსენებათ, იმ პერიოდში ყველაფერი გაიყინა. მუშაობა სხვა სფეროში დავიწყე და 30 წელი ერთი საქმით ვიყავი დაკავებული. პარალელურად, იმპრესარიო-პროდიუსერის პროფესია შევისწავლე. რაც, სხვათა შორის, ახლა ძალიან გამომადგა – ჩემი თავის პროდიუსერი გავხდი…“ კითხვა განაგრძეთ ბმულზე