ვწევარ ახლა სიცხიანი და მთელი ხმით ვტირი…“ – რა წერილი მიიღო ლიზი გოზალიშვილმა

გერმანული „ვოისის“ ქართველი მონაწილე, ლიზი გოზალიშვილი სოციალურ ქსელში ახალ პოსტს აქვეყნებს.

„დღეს ფოსტამ ჩემს სახელზე წერილი მოიტანა.
ადამიანი, რომელიც თვალით არასდროს მინახავს, მწერს, რომ ჩემი გამოსვლის ყურებისას ყოველ ჯერზე ცრემლები მოსდის და რომ ჩემი გზავნილი მისთვის განსაკუთრებით ემოციური იყო, რადგან კონკრეტულად მასთან ექვსი თვის განმავლობაში უკრაინელი ლტოლვილი ცხოვრობდა.
სრულიად უცხო ადამიანმა მთელი თავისი ემოცია ამ ოთხგვერდიან წერილში ჩაატია. მიზიარებს თავის შთაბეჭდილებებს და მწერს, რომ განსაკუთრებით დუეტმა აღაფრთოვანა.
ვციტირებ: ,,შენი გზავნილი სიმღერით ,,Earth Song“, შენი ტანსაცმლის ფერები და შენი სიტყვები ომის უაზრობასა და ბოროტებაზე, თანაც საყვედურებისა და საჩვენებელი თითის ქნევის გარეშე, ყველაზე მნიშვნელოვანი იყო. ხანდახან ის კი არაა მთავარი, თუ რას ამბობ, არამედ ის, თუ – როგორ.”
ხან მგონია, მესიზმრება. და იმაზე მეტად, როცა ნამღერს მიქებენ, მართლა გულწრფელად ის მიხარია, რომ ჩემი სათქმელი თუნდაც ერთ მსმენელამდე მაინც მივიდა სწორად.
ჰოდა, ვწევარ ახლა სიცხიანი და მთელი ხმით ვტირი“, – აღნიშნულია პოსტში.