აჭარის მუზეუმი სამწუხარო ინფორმაციას ავრცელებს

აჭარის მუზეუმი სამწუხარო ინფორმაციას ავრცელებს:

“სსიპ აჭარის მუზეუმი ღრმა მწუხარებით იუწყება, რომ გარდაიცვალა თვალსაჩინო მეცნიერი და საზოგადო მოღვაწე, დიდი მამულიშვილი, არქეოლოგიური მუზეუმის ფუძემდებელი, ბათუმის შოთა რუსთაველის სახელმწიფო უნივერსიტეტის ემირიტუს პროფესორი, აჭარის მუზეუმის დირექტორის მრჩეველი, ბატონი ამირან კახიძე.
✔️ამირან კახიძის ღვაწლი შეუფასებელია ქართული არქეოლოგიის განვითარებაში.
ნახევარ საუკუნეზე მეტი ქართულ მეცნიერებასა და მომავალი თაობების აღზრდას ემსახურებოდა, არის მრავალი სამეცნიერო კვლევისა და ნაშრომის ავტორი, მან არაერთ ახალგაზრდას გაუკვალა გზა წარმატებისკენ. იგი არის მაგალითი იმისა, თუ როგორ უნდა იღვაწოს მეცნიერმა, იცხოვროს ადამიანმა, რომელსაც საკუთარი ქვეყანა უყვარს.
☑️თავისი სულიერი შემართებით, მხნეობით, ულევი ენერგიით წლების განმავლობაში ხელმძღვანელობდა ბათუმის არქეოლოგიურ მუზეუმს. ბატონი ამირან კახიძე ყოველთვის იქნება სამაგალითო მომავალი თაობებისათვის.
📍 პანაშვიდი გაიმართება 13 ნოემბერს 16:00 სთ-დან ბათუმის არქეოლოგიურ მუზეუმში.
📍 გამოსვენება 14 ნოემბერს
15:00 სთ-ზე ბათუმის არქეოლოგიური მუზეუნიდან.
🔘ვუსამძიმრებთ ოჯახს, კოლეგებს, აჭარასა და მთელ საქართველოს”