ასტროლოგი რამაზ გიგაური სოციალურ ქსელში ემოციურ პოსტს აქვეყნებს:
მე – დღეს, წიგნის ფესტივალზე.
დაღლილი და ბედნიერი.
იქ მისვლამდე, წერეთელზე თავი „წიქარაში“ რომ ბოროტი დედინაცვალია, ის ვიყავი, რადგან ასე მეგონა, რომ წიქარამ გაირბინა და უკან გადმოყარა დოქით წყალი, სავარცხელი და სალესავი. იმიტომ, რომ „ექსპო ჯორჯიისკენ“ სავალ გზაზე ჩემს წინ ჩნდებოდა გუბეები, ხრამები, კლდეები და უღრანი ტყე. იქვე ვახტანგ გორგასალი ნადირობდა ხოხობზე და შერპები ევერესტზე ასასვლელად ემზადებოდნენ.
მე თავბედს ვიწყევლიდი, მაგრამ მაინც მივდიოდი. ვვარდებოდი ხრამში, ამოვდიოდი ან ტრაქტორს ამოვყავდი „კოვშით“. მუშები მეხმარებოდნენ, გზას მასწავლიდნენ, გზას მინათებდნენ, დაღლილს მასვენებდნენ და მშიერს მაპურებდნენ.
და ჩვენ ყველა ერთხმად ვაგინებდით მერიასა და ხელისუფლებას. რაც არ უნდა გასაკვირი იყოს, გინებაში აკაკი წერეთელიც გვეხმარებოდა. დავიღალეო, ამბობდა. ძალიან დავიღალეო.
ჩემდა სასირცხვილოდ, ვერაფრით ვამშვიდებდი, თვითონ დაღლილი – წერს რამაზ გიგაური.