🎥 “მანიკა ნიკას პროდიუსერიცაა და ყველაფერიც. ნიკა? ნიკა ნიკაა“ – ნიკოლოზ წულუკიძის ემოციური ინტერვიუ მანიკა ასათიანზე

City Magazine Georgia რუბრიკაში – „M&S წყვილი“ – ტელეწამყვანების, ნიკოლოზ წულუკიძისა და მანიკა ასათიანის, შესახებ გვიამბობს.

ჟურნალ „სითის“ მიერ მომზადებულ ექსკლუზიურ ინტერვიუში, ნიკოლოზ წულუკიძე მანიკა ასათიანის გაცნობის ისტორიას იხსენებს და მის პროფესიულ უნარ-ჩვევებზე საუბრობს.

„მახსოვს 6-7 წლის ასაკშიც ძალიან ლამაზი და გამორჩეული ბავშვი იყო. მერე უცებ ეს ბავშვი გარდა მშვენიერებისა, პროფესიონალიც გახდა. იშვიათია, რომ ადამიანი ყოველდღიურად იზრდებოდეს. გადაცემიდან- გადაცემამდე, ღონისძიებიდან-ღონისძიებამდე ხვდები, რომ მისი პროფესიული დაოსტატება ხდება. განსაკუთრებულად მიყვარს იმიტომ, რომ მანიკამ თავისი თავის ფასი იცის და საკუთარი თავის პოზიციონირებას სწორად ახდენს.

ღონისძიების, კონცერტის, გადაცემის წაყვანის დროს პარტნიორს უდიდესი მნიშვნელობა აქვს. მანიკას ძალიან დიდი სიტყვათა მარაგი აქვს. შენ არ ხარ დაძაბული. დარწმუნებული ხარ, რომ სიტყვის კვანძს ძაფს გამოაბამს შენი პარტნიორი. იცი, რომ რაც მასზეა დამოკიდებული, ყველაფერს იზამს. ამიტომ ჩემთვის კომფორტულია მანიკასთან მუშაობა. უპრობლემოა, კომპლექსები არ აქვს. ის სცენაზე რომ გამოდის, მნიშვნელობას გრძნობს თავის თავისას და რა მომწონს იცი მანიკასი? თვითშეფასება-კონტექსტში. მას შეუძლია საკუთარი თავის ზუსტი განსაზღვრა.

რაც შეეხება მანიკას სტილს, ასე ვიტყოდი: ის ტანსაცმლით კი არ პოზიციონირდება, ის მშვენიერებით პოზიციონირდება“, – ამბობს ნიკოლოზ წულუკიძე.

მანიკა და ნიკა – M&S წყვილი