„ღამის შოუს ბენდის“ მომღერალმა, თათა გიორგობიანმა ჟურნალ „სარკეს“ ინტერვიუ მისცა.
მან თავისი პირადი ცხოვრების შესახებ ისაუბრა.
თათამ ცოტა ხნის წინ იქორწინა კონსტანტინე მოსიძეზე. მისი თქმით, დიდი ქორწილის გადახდას არ აპირებენ.
„კონკრეტული არაფერი გადაგვიწყვეტია, ახლა ვგეგმავთ. ბუნებრივია, ვაპირებთ ჩვენი ქორწინების ოფიციალურად გაფორმებასაც. რაც შეეხება ქორწილს, სასწაული რამე უნდა ვთქვა და იმედია, არ ეწყინებათ იმ ადამიანებს, ვის ქორწილშიც მიმღერია, მაგრამ ქორწილები ძალიან არ მიყვარს. არ ვიცი, ფორმატი არ მომწონს თუ იმის გამო, რომ ბევრი ქორწილი შემდეგ ჩხუბით სრულდება. მირჩევნია, ვიწრო წრეში, შინაურულად აღვნიშნოთ ეს დღე“, – თქვა გიორგობიანმა.