🎥„ვგრძნობ, რომ ვარ დედაჩემის ნაწილი და შეიძლება ითქვას, გაგრძელებაც. ჩემთვის დედა ყველაფერია” – გიგი დედალამაზიშვილი

მომღერალი გიგი დედალამაზიშვილი გადაცემას – „დილა მშვიდობისა საქართველო“ – ესტუმრა.

რუბრიკაში „დედა“ გიგიმ დედასთან ურთიერთობის შესახებ ისაუბრა.

„მე ვგრძნობ, რომ ვარ დედაჩემის ნაწილი და შეიძლება ითქვას, გაგრძელებაც. ჩემთვის დედა ყველაფერია.

დედაჩემი მკაცრი არასდროს ყოფილა. მადლობა მას ამისთვის. ყოველთვის ჩვენი მეგობარი და თანამოაზრე იყო. ლაღი ადამიანია, ძალიან ღრმა… ცდილობს რომ ცხოვრება გაგვილამაზოს, დაგვეხმაროს.

მინდა იმის მეათასედი მაინც ვუთხრა, რასაც ჩემთვის, ჩემი დისთვის აკეთებენ ჩემი მშობლები და რასაც ვგრძნობ მათ მიმართ.

დედა ყველაზე ბედნიერია მაშინ, როდესაც მე და ჩემი და ვართ კარგად. რომ არა დედა, ჩემი ცხოვრება არ იქნებოდა ისეთი ფერადი როგორიცაა“, – აღნიშნა მომღერალმა.