„დღე მზისა და მთვარის ერთობლივი გავლენის ფონზე ჩაივლის. მზე აქტიური და ენერგიული, მებრძოლი და შეუპოვარი მორიელის, მთვარე კი, ორგანიზებული და მოწესრიგებული, დისციპლინირებული და მიზანდასახული ქალწულის ზოდიაქოს ნიშანში იქნება.
კარგი დღეა ძველი პროექტების აღდგენისა და ძველი საქმეების ახლებურად გასაგრძელებლად.
სიყვარულის და ხელოვნების მმართველი პლანეტის – ვენერას 4 დეკემბრამდე სასწორის ზოდიაქოს ნიშანში გადასვლა ერთის მხრივ, შემოქმედებით ნიჭსა და უნარს, სამართლიანობისა და სიმართლის დაცვის სურვილს, მეორეს მხრივ, გაორებასა და შინაგან ეჭვებს, სულსწრაფობასა და სპონტანურად მოქმედების სურვილს გააძლიერებს.
საკრალური დღეა, რადგან სამყარო თქვენს გონიერებას, მოვლენების ობიექტურად შეფასების და ნამდვილი მეგობრების თვალთმაქცებისგან განსხვავების უნარს გამოცდის.
პარტნიორული ურთიერთობა – გამოიჩინეთ მეტი ტაქტი და დიპლომატია, ეცადეთ დელიკატურად გადაწყვიტოთ ყველა საკამათო საკითხი.
პოზიტიური და ნეგატიური დღე – სასიკეთო დღეა ვაჭრობისა და კომერციისთვის, საბანკო და საფინანსო ოპერაციების განსახორციელებლად.
ჯანმრთელობა – გეომაგნიტური დღის ნეგატიური ენერგია უარყოფითად აისახება ნებისმიერის ჯანმრთელობაზე. გამოიწვევს არტერიული წნევის მატებას, თავის ტკივილს და უგუნებობას. ეცადეთ არ გადაიტვირთოთ და მეტი დაისვენოთ, აუცილებლობის შემთხვევაში კი, მიმართოთ წამლების პროფილაქტიკას.
დღის ფერები და მინერალები – ყვითელი, მწვანე, ნარინჯისფერი, კრემისფერი და ვერცხლისფერი, ასევე მალაქიტი, ქრიზოპრაზი, ზურმუხტი, ყვითელი და მწვანე იასპი გააძლიერებენ თქვენს ბუნებრივ შარმს, კოსმოსის დადებითი ენერგიების მოზიდვით კი, გაზრდიან წარმატების შანსებს.
ზოდიაქოს ნიშნები – იღბლიანი დღეა კუროსა და კირჩხიბისთვის, თხის რქისა და თევზებისთვის. ნაკლებად გაუმართლებთ ლომს და სასწორს“.