ვინ არის საქართველოს მოქალაქე, რომელიც საოკუპაციო ძალების წარმომადგენლებმა მოკლეს – “ისინი ეკლესიაში იყვნენ, რა დროსაც ოკუპანტები ჩაუსაფრდნენ”

სა­ხელ­მწი­ფო უსაფრ­თხო­ე­ბის სამ­სა­ხუ­რის (სუს-ი) ცნო­ბით, გუშინ გო­რის მუ­ნი­ცი­პა­ლი­ტე­ტის სო­ფელ კირ­ბა­ლის მიმ­დე­ბა­რედ, რუ­სულ­მა სა­ო­კუ­პა­ციო ძა­ლებ­მა სა­ქარ­თვე­ლოს 1 მო­ქა­ლა­ქე მოკ­ლეს, 1 კი და­ა­კა­ვეს.

რუ­სუ­ლი სა­ო­კუ­პა­ციო ძა­ლე­ბის მიერ სრო­ლის შე­დე­გად, მოკ­ლუ­ლია 60 წელს გა­და­ცი­ლე­ბუ­ლი თა­მაზ გინ­ტუ­რი. გინ­ტუ­რი 2008 წლის აგ­ვის­ტოს ომის მო­ნა­წი­ლეა.

ადგი­ლობ­რი­ვე­ბის თქმით, გა­ტა­ცე­ბუ­ლია კირ­ბა­ლის მკვიდ­რი ლე­ვან დო­თი­აშ­ვი­ლი.  მათივე აღნიშვნით, ეს ადა­მი­ა­ნე­ბი ეკ­ლე­სი­ა­ში იმ­ყო­ფე­ბოდ­ნენ, რა დრო­საც მათ სა­ო­კუ­პა­ციო ძა­ლე­ბის წარ­მო­მად­გენ­ლებ­მა ჩა­საფ­რე­ბა მო­უ­წყვეს, შემ­დეგ და­ე­დევ­ნენ და გა­ჩე­რე­ბა უბ­რძა­ნეს. ქარ­თვე­ლი მა­მა­კა­ცე­ბი არ და­ე­მორ­ჩილ­ნენ, რის შემ­დე­გაც, ოკუ­პან­ტებ­მა მათ ცე­ცხლი გა­უხ­სნეს.

„2023 წლის 6 ნოემბერს გორის მუნიციპალიტეტის სოფელ კირბალის მიმდებარედ, ოკუპირებულ ტერიტორიაზე, ადგილობრივი მაცხოვრებლის უკანონოდ დაკავების მცდელობისას რუსეთის საოკუპაციო ძალების მიერ ცეცხლსასროლი იარაღით სროლის შედეგად გარდაიცვალა საქართველოს მოქალაქე და უკანონოდ დაკავებულ იქნა ერთი მოქალაქე.
მიმდინარეობს აქტიური კომუნიკაცია საქართველოს ცენტრალური ხელისუფლების ხელთ არსებული ყველა ინსტრუმენტის გამოყენებით“, – აღნიშნულია სუს-ის მიერ გავრცელებულ ინფორმაციაში.