„მსახიობი ლია კაპანაძე 1934 წლის 8 მარტს დაიბადა. სწავლობდა შოთა რუსთაველის სახელობის თეატრალურ ინსტიტუტში.
1959-70 წლებში იყო რუსთაველის თეატრის,1970-80 წლებში – მარჯანიშვილის თეატრის, 1980 წლიდან კი – კინოსტუდია „ქართული ფილმის“ მსახიობი. მაყურებელს ის არაერთი ცნობილი როლით ახსოვს, მათ შორის: „ზღვის შვილები“ (ეთერი), „დიდი მწვანე ველი“ (პირიმზე), „ფერისცვალება“ (ნატო), „როცა აყვავდა ნუში“ (დედა), „დათა თუთაშხია“ (ეკა), „ძახილი“ (დეიდა ნინო), „კუკარაჩა“ (ინგას დაქალი) და სხვ.
ლია კაპანაძემ „ნიკოლოზის კითხვების“ ეთერში რეჟისორ გია მატარაძესთან გატარებულ პერიოდზე ისაუბრა:
“ექვსი-შვიდი წლის ვამბობდი ჯერ კიდევ, რომ არ ვათხოვდებოდი, მაგრამ ერთი შვილი მეყოლებოდა. ჩემი შვილის მამა იყო გია მატარაძე. ისტორია კი ასე დაიწყო:
ერთ მშვენიერ დღეს, გვიან გამოვედი რუსთაველის თეატრიდან და ვხედავ, დგანან შოთა სხირტლაძე და ვიღაც ახალგარზდა. გია გამეცნო, როგორც პირველკურსელი სტუდენტი. გზა ფეხით გავაგრძელეთ და ამ საუბარში მიმაცილეს ნახალოვკაში, სახლამდე…“ კითხვა განაგრძეთ ბმულზე