ჟურნალისტი, არჩილ გამზარდია, სოციალურ ქსელში, წერს:
“მოქალაქის მორალური უფლებაა გაზულუქებული ჩინოვნიკი მოათავსოს ნაგვის ურნაში.
ეს უფლება ვრცელდება მხოლოდ ჩინოვნიკებთან მიმართებაში და არავითარ შემთხვევაში სხვებზე. ეს არის ძალაუფლებაში გარყვნილთათვის მიმართული.
წინა ხელისუფლებაშიც ბევრი იყო მოსათავსებელი ნაგვის ყუთში, ახლა კიდევ უფრო მეტია მოსათავსებელი ნაგვის ურნაში.
როდესაც იარსებებს უკეთესი ხელისუფლება, მოქალაქის თვითგამოხატვასაც მეტ მოთხოვნას წავუყენებ, მაგრამ არსებული ხელისუფლების პირობებში – ვერ!და დამიჯერეთ, ხელისუფლების ამორალობასა და სისასტიკის ფონზე, მოქალაქისგან მსგავსი აქტი ზეჰუმანურია.
მოწონებით ბევრი რამე არ მომწონს, განსაკუთრებით ის ფეკალიები, რასაც ხელისუფლება გვიშვრება თავზე ყველას ყოველდღიურად.
ჯერ ეს ამორალობა გააპროტესტეთ ზოგიერთმა და მერე მოქალაქეებზე გადადით.
იმაზე მეტი არაეთიკური, ამორალური , ძალადობრივი, უსამართლო, სიძულვილით სავსე აქტები რა გვაქვს, ვიდრე ხელისუფლება – პრემიერი ვიცეპრემიერებთან ერთად, დანარჩენ მინისტრებთან ერთად, დეპუტატები თავიანთ თავმჯდომარესთან ერთად და ა.შ. მთელი ძალაუფლებითი შტო?
ყოველდღიურად ლაფში გვყრიან, ნაგავზე უარესს გვაყრიან, თავმოყვარეობა გადაგვახიეს, გვანადგურებენ და ზოგიერთი კიდევ კუდის ამწევად მოევლინა ხელისუფლებას.
უკუდო ხარის სიმპტომი ჰქვია მაგას.”