ეკა კახიანს საზოგადოება კარგად იცნობს. ის ბევრისთვის საყვარელი მომღერალი და მუსიკოსია, თუმცა, გარდა კარიერისა, ეკა ხშირად იქცევს საზოგადოების ყურადღებას პირადი ცხოვრების გამოც. მიუხედავად არაერთი კითხვისა, ის საკუთარ ურთიერთობებზე ხმამაღლა არასდროს საუბრობს.
ამჯერად ეკა კახიანი გადაცემის “ნოესთან” სტუმარია, სადაც პირად ურთიერთობაზეც ისაუბრა:
“ჩემი და ერეკლეს ქორწინება 5 წელს გაგრძელდა, თუმცა ის 5 წელიც არ იყო. ნინისთვის ჩვენი განქორწინება ძალიან ტრავმული არ ყოფილა. რომ გავთხოვდი, რამდენიმე თვეში ერეკლე ჯარში გაუშვეს. ამიტომ ნინი ჩემს მშობლებთან გაიზარდა. დედ-მამა ერთად თითქმის არ უნახავს.
მაგრამ რამდენიმე წლის წინ ნინიმ ისეთი რაღაც მითხრა, რაც ძალიან გამიკვირდა. თურმე განიცდიდა – ყოველთვის ვუყურებდი აივნებს და ვფიქრობდი, იქ ალბათ ოჯახი ცხოვრობს, სადაც დედა, მამა და ბავშვი ერთად არიანო. გელოდებოდი, როდის მოხვიდოდი და როდის დამაძინებდიო – ამის მოსმენა ძალიან გამიკვირდა.
ბოდიშს გიხდი, ნინი. ალბათ გული ვატკინე. ბავშვობაში როგორ მელოდა და ვერ ან არ მივდიოდი”, – ამბობს ეკა კახიანი.