ამ არაჩვეულებრივი სახის ნიღბის გაკეთება რეკომენდებულია წელიწადში ორჯერ – გაზაფხულსა და შემოდგომაზე, 2-2-კვირიანი კურსით.
მაშ ასე, თქვენ დაგჭირდებათ:
• 1 სუფრის კოვზი თაფლი (რა თქმა უნდა, ნატურალური და გამოყენებამდე გაარკვიეთ, ხომ არ ხართ თაფლზე ალერგიული);
• 1 სუფრის კოვზი არაჟანი (უმჯობესია, ცხიმიანი);
• 50 გრ ხაჭო (ეს დაახლოებით პატარა შეფუთვის ნახევარია);
• 1 კვერცხი;
• 6-10 წვეთი ლიმონის წვენი;
• 1-2 ალოეს ამპულა, ვიტამინი B1 და B12 (ყველაფერი ეს იყიდება აფთიაქებში).
ვამზადებთ:
ყველა ინგრედიენტი კარგად აურიეთ მინის ჭურჭელში და დაიდეთ საღამოს, სუფთა კანზე (შეგიძლიათ თვალის ქვეშაც). გაიჩერეთ 15-20 წუთი, შემდეგ ჩამოიბანეთ გრილი წყლით.
ნიღაბი შეინახეთ მაცივარში, დახურულ შუშის ჭურჭელში. ამ პროპორციებით ის 2 კვირის განმავლობაში გეყოფათ.