„მთავარია, შენს თავთან, ღმერთთან, პაციენტთან მართალი იყო და შესაძლოა, სიკვდილსაც მოუგო“ – ვინ არის ლევან ჭელიძე, რომელმაც ქუჩაში ადამიანი გადაარჩინა

რამდენიმე დღის წინ, ინტერნეტში გავრცელდა მოქალაქის პოსტი, სადაც ყვებოდა, თუ როგორ შეესწრო ქუჩაში უეცრად წაქცეული კაცის გადარჩენის ამბავს…
„ღმერთმა გვიმრავლოს თქვენისთანა ადამიანები. ასეთი ექიმების მხრებზე დგას სამყარო… ქუჩაში წაქცეულ თქვენთვის უცხო ადამიანს გული აუმუშავეთ, 1 საათის მანძილზე გაუჩერებლად იბრძოდით. არა და ვინ იცის, როგორი დაღლილი ბრუნდებოდით შინ… ვიდრე ასეთი ადამიანები გვეყოლება, ასეთი ექიმები, ლევან ჭელიძე ხელები მიკანკალებს, ვეღარ ვწერ, სასწრაფოს ექიმი მეგონა…”- წერდა ნატალია ცერცვაძე სოციალურ ქსელში…
გადაუდებელი მედიცინის დეპარტამენტის ხელმძღვანელი, ლევან ჭელიძე „შემთხვევით პაციენტებს“ ადრეც დახმარებია, ზოგი გადარჩა, ყველა – ვერა… როგორც თავად ამბობს, სიკვდილი ყოველთვის ახლოს არის, მთავარია, არ შევეგუოთ და ვიბრძოლოთ. ბოლო ხანებში გაახალგაზრდებულ დაავადებებსა და სხვა პრობლემებზე, ის „ეპილოგი.გეს“ ესაუბრა.
– ბოლო ხანებში, არაერთი დაავადება გაახალგაზრდავდა. ეს ეხება ფაქტობრივად, ყველა პათოლოგიას, რომლის ასაკობრივი ზღვარი ადრე უფრო მაღალი იყო, მათ შორის გულ-სისხლ-ძარღვთა დაავადებებს, ინფარქტს, სტენოკარდიას, ონკოლოგიურ დაავადებებს. ის პათოლოგიები, რომლებიც უფრო მაღალ ასაკში აქტიურდებოდნენ. ახლა შესაძლოა, 30 წელს ქვევით პაციენტებშიც გამოვლიდნეს.
ყოველ შემთხვევაში, ჩემს საექიმო პრაქტიკაში ეს პათოლოგიები ბევრად უფრო ახალგაზრდა ასაკში მხვდება.
– თქვენი აზრით, რამ გამოიწვია?
– ვფიქრობ, ყველაზე მნიშვნელოვანი ფაქტორი, განსაკუთრებით გულსისხძარღვთა დაავადებებში არის ფსიქო-ემოციური ფონი, სტრესი, ცხოვრების პირობები, ეკონომიკური და სოციალური პირობები.
ჩვენს ქვეყანაში ადამიანებს ჯერაც არ აქვთ ისეთი სადაზღვევო სისტემა, რომ გეგმიური კვლევები და ანალიზები ჩაიტარონ. არის გარკვეული სახელმწიფო პროგრამები, მაგრამ ეს ამ სფეროში არსებულ პრობლემას სრულად ვერ აგვარებს… კითხვა განაგრძეთ ბმულზე