მომღერალმა ბაბი კირკიტაძემ პლასტიკურ ქირურგიას მიმართა.
მან ლიპოსკულპტურა გაიკეთა, რაც გულისხმობს საკუთარი ცხიმოვანი უჯრედების გადანერგვას სხეულის იმ ნაწილებში, სადაც მათი ნაკლებობაა, მოცულობის მოსამატებლად.
ამის შესახებ კირკიტაძე ჟურნალ „გზას“ ესაუბრა.
„ – ეს იყო პლასტიკური ჩარევა. ლიპოსკულპტურა გავიკეთე.
– ეს პირველი შეხება იყო პლასტიკურ ქირურგიასთან?
– კი, პირველი შეხება იყო. შედეგიც კარგია, მაგრამ საბოლოო შედეგისთვის 2-3 თვე ინტენსიური შრომა და მონდომებაა საჭირო. ეს მოითხოვს ჩემი მხრიდან ვარჯიშს, დროის დათმობას და მონდომებას.
– რა ცვლილებები გინდათ კიდევ გარეგნობაში? არ გაშინებთ პლასტიკური ქირურგიის ჩარევები?
– ზოგადად, არ ვარ მშიშარა. პირიქით, რისკიანიც ვარ. მხოლოდ სიმაღლის და ზღვის სიღრმის შიში მაქვს. რაც შეეხება ცვლილებებს, მინდა, ყოველთვის უკეთესი ვიყო ხვალინდელ დღეს, ვიდრე ვიყავი გუშინ. ეს გარეგნობასაც ეხება და შინაგან მდგომარეობასაც…“
