გრეიფპრუტი ჯანსაღი კვების მნიშვნელოვანი ნაწილია.
გრეიპფრუტი
გრეიპფრუტის დიეტის ხანგრძლივობა 12 დღეა. ამ დროის განმავლობაში შესაძლებელია დაიკლოთ 3-დან 7 კგ-მდე. დიეტის ძირითადი აქცენტი არის კალორიების შემცირება. აუცილებელია კალორიულობის შეზღუდვა, დღეში მხოლოდ 800 კალორია უნდა მიიღოთ, დიეტა ასევე ზღუდავს შაქარსა და ნახშირწყლებს.
დიეტის უმეტეს ვერსიებში შედის ნახევარი გრეიფრუტი დღის ყოველ კვებაზე.
უმჯობესია დილა დაიწყოს გრეიპფრუტით ან გრეიპფრუტის ახალგამოწურული წვენით.
საუზმესა და სადილზე აუცილებლად მიირთვით გრეიპფრუტი. ამავდროულად, შეგიძლიათ მიიღოთ თევზი, ცილებით მდიდარი საკვები(მოხარშული ხორცი), ყავა – დღეში არა უმეტეს 1 ფინჯანი.
დასაშვებია – უცხიმო ხორცი, თევზი, რძის პროდუქტები (აუცილებლად დაბალცხიმიანი), ხილი, ისპანახი, ბროკოლი, ბულგარული წიწაკა.
აკრძალულია: დესერტი, გაზიანი სასმელები, კარტოფილი, მაიონეზიანი სალათები, პური, მაკარონი, ყველი, რძიანი ფაფა, კომბოსტო, ბურღულეული, კიტრი, სტაფილო, ტომატი.
დიეტა საკმაოდ დაბალანსებულია. პროდუქტების სია დიდია და საშუალებას გაძლევთ მიიღოთ ყველა საჭირო ვიტამინი და მიკროელემენტი. გარდა ამისა, გრეიპფრუტი დიდი რაოდენობით შეიცავს იმუნიტეტისთვის აუცილებელ C ვიტამინს.
თუმცა, მხოლოდ 800 კალორია დღეში ძალიან ცოტაა და თუ აქტიური ცხოვრების წესს მისდევთ, ანბევრს მუშაობთ, შესაძოა ადვილად იგრძნოთ დაღლილობა და სისუსტე.
თუ იღებთ გარკვეულ მედიკამენტებს, მათ შორის სტატინებს, რომლებიც ხელს უწყობენ თქვენი ქოლესტერინის რეგულირებას, არ არის რეკომენდებული გრეიფპრუტის დიეტა.
გრეიფრუტი შეიცავს ქიმიურ ნაერთს, რომელიც ხელს უშლის თქვენს ორგანიზმს გარკვეული მედიკამენტების გადამუშავების უნარს. ეს გავლენას ახდენს მედიკამენტების მუშაობაზე, რაც იწვევს ჯანმრთელობის სერიოზულ პრობლემებს. თუ გარკვეული ტიპის მედიკამენტებს იღებთ, ჰკითხეთ ექიმს არის თუ არა გრეიფრუტის ჩართვა უსაფრთხო თქვენს დიეტაში.
წყარო:მკურნალი