რუსთავში, მეგობრობის გამზირზე, ავტოსაგზაო შემთხვევა მოხდა. ავტომობილის მძღოლმა საჭე ვერ დაიმორჩილა, რის გამოც ჯერ რკინის ჯებირებს დაეჯახა, მოგლიჯა ხეები და საგზაო ნიშნები. თვითმხილველების ინფორმაციით, მანქანა, რომელშიც მგზავრები იმყოფებოდნენ, რამდენჯერმე გადატრიალდა.
ადგილზე მობილიზებული იყო სასწრაფო სამედიცინო დახმარების, პოლიციისა და სამაშველო სამსახურის თანამშრომლები. ავტომობილში მყოფებს სამედიცინო დახმარება ადგილზე გაეწიათ. მათ სიცოცხლეს საფრთხე არ ემუქრება.