83 წლის ასაკში გარდაიცვალა ამერიკელი მსახიობი ბერტ იანგი გარდაიცვალა. სამწუხარო ინფორმაცია სოციალურ ქსელში ვრცელდება.
ის დაიბადა და გაიზარდა ნიუ-იორკში, იტალიურ ოჯახში. 1957-59 წლებში მსახურობდა ჯარში, სადაც დაინტერესდა კრივით და შიდა ტურნირებზე 34-დან 32 შეხვედრაში გაიმარჯვა. ჯარიდან დაბრუნების შემდეგ გადაწყვიტა მსახიობობა, სწავლობდა ცნობილი რეჟისორისა და პედაგოგის ლი სტრასბერგის სტუდიაში.
პირველი როლები შეასრულა 1970-იანი წლების დასაწყისში, ძირითადად თამაშობდა მუშათა კლასის იტალიელ ამერიკელებს. წარმატება და ოსკარის ნომინაცია მოუტანა პოლის როლმა ფილმში Rocky. იანგი იმ ოთხ მსახიობს შორის არის, რომელმაც როკის ექვსივე ფილმში ითამაშა. 2015 წელს მსახიობმა უარი თქვა Creed-ში თამაშზე, შესაბამისად მისი პერსონაჟი სცენარის მიხედვით 2012 წელს გარდაიცვალა.