დღეს, 19 იანვარს 17 წლის გიორგი ბერიძე, რომელსაც გულის გადანერგვა სჭირდებოდა, გარდაიცვალა.
“გიორგი ბერიძისთვის აღარ დაგვჭირდება ფულის თხოვნა გულის გადასანერგად…არავინ ჰყავდა ისეთი ვინც გააჟღერებდა თუნდაც ტელევიზიებში მის ამბავს…
საქართველოში ნაცნობობით რამის გაკეთება უნდა მოისპოს…პირობას ვდებ ვიბრძოლებ ყველა ასეთი ადამიანის გამო ვისი ხმაც არ სწვდება მაღალ ფენას…ჩვენ თითეულ ჩვენგანს თითო ლარის დარიცხვაც დაგვეზარა…ყოჩაღ ჩვენ…მაპატიე გიორგი რომ ვერ გიშველეთ მაპატიე..” – წერს სოციალურ ქსელში გიორგის ახლობელი.
მისი დიაგნოზი იყო:
გულის განდევნის ფუნქცია 20 პროცენტი გულის არეში. სითხე ორივე ფილტვებში და მუცლის არეში სითხე ნაღველიც დეფორმირებული სჭირდებოდა გულის გადანერგვა რომელიც საქართველოში არ კეთდებოდა, ოპერაცია კი დიდ თანხასთან იყო დაკავაშირებული.
ოჯახის ახლობლებისა და სოციალური ქსელის მომხმარებლების დახმარებით, გიორგისთვის გარკვეული რაოდენობის თანხა იყო შეგროვებული, თუმცა ბოლო რამდენიმე დღის განმავლობაში მისი ჯანმრთელობის მდგომარეობა მკვეთრად უარესდებოდა.