ფსიქოლოგი ნათია ფანჯიკიძე იუბილარია.
ამასთან დაკავშირებით, ის სოციალურ ქსელში ახალ პოსტს აქვეყნებს.
„ამ ომების და სისასტიკის ფონზე, რაც პირდაპირ ჩვენს გულზე გადის, ყოველგვარი “გამარჯობა, ჭიტა, დავიბადე”, ძალიან მეუხერხულება, მაგრამ ფაქტი ჯიუტია, დავიბადე და მაინც ვიღებ მოლოცვებს სხვადასხვა ჩატში. ხოდა მადლობის თქმა რომ გამიადვილდეს და თქვენც რომ მოლოცვა გაგიადვილდეთ, ამისთვის ვწერ ამ სტატუსს. ზოგიერთ თქვენგანს სახეზეც არ ვიცნობ, მაგრამ ეს უსხეულო, ჯადოსნური კავშირი როგორი ძვირფასია, აღნიშვნაც არ უნდა. ყოველი დილა მეწყება თქვენით, რაც იმას ნიშნავს, რომ ბედნიერი ვარ, რომ ვიღვიძებ თქვენთან ერთად. მიყვარხართ ჩემი ყოველი დილის ყავის მეგობრებო. ვერც ბედნიერი ვიქნები თქვენ გარეშე და ვერც მოწყენილი. ხოდა გაგიმარჯოთ ☀️❤️
პ.ს. რა მაგის პასუხია და რაც ასაკი მომემატა, უმეტესწილად კისერს ქვევით უკეთ გამოვდივარ ფოტოში, ვიფიქრე, არსებობის დასტურად უთავო ფოტო რომ დავდო რა უჭირსმეთქი. მერე აღმოვაჩინე, რომ წელს ქვევით კიდევ უკეთესად გამოვდივარ. კარგად დავაკვირდი და აღმოჩნდა, რომ ყველაზე ლამაზად ფეხსაცმელები გამოდის ხოლმე… ხოდა, ფეხსაცმლის ფოტოს დადება ვეღარ ვიკადრე და ეგდოს ეს, რაცაა აგერ. შედარებით არამიშავს სახეზე“, – წერს ის.