რატომ იტბორება ოზურგეთი – მოსახლეობა დახმარებას ითხოვს, მერია დუმს

ქალაქი, რომელიც ყოველი წვიმისას იტბორება და მერია, რომელიც ამ პრობლემის მოსაგვარებლად არაფერს აკეთებს. ადიდებული მდინარეების გამო ოზურგეთის მოსახლეობას ზიანი უკვე არაერთხელ მიადგა, წყალდიდობას კი არა უხვი ნალექი, არამედ გაუმართავი ინფრასტრუქტურა და დაბინძურებული არხები იწვევს. სარემონტოა ჩამკეტი მოწყობილობებიც, რომლებიც წყლის უხვ ნაკადს ქალაქს წლების განმავლობაში აცილებდა. ამ პრობლემებზე ოზურგეთის მერიაში კომენტარსაც კი არ აკეთებენ.