ცოტა ხნის წინ ყველასთვის საყვარელი ქართველი მსახიობი ნუნუ ხინიკაძე გარდაიცვალა. სამწუხარო ინფორმაცია სოციალურ ქსელში ვრცლედება.
“აჭარის განათლების, კულტურისა და სპორტის სამინისტრო ღრმა მწუხარებას გამოთქვამს
ბათუმის ილია ჭავჭავაძის სახელობის სახელმწიფო დრამატული თეატრის მსახიობის, დამსახურებული არტისტის ქალბატონი ნუნუ ხინიკაძის გარდაცვალების გამო.
ნუნუ ხინიკაძემ 1963 წელს საქართველოს შოთა რუსთაველის სახელობის სახელმწიფო თეატრალური ინსტიტუტის სამსახიობო ფაკულტეტის დამთავრების შემდეგ მოღვაწეობა დაიწყო ბათუმის ილია ჭავჭავაძის სახელობის სახელმწიფო დრამატულ თეატრში.
ქალბატონმა ნუნუმ ბათუმის დრამატულ თეატრში შექმნა არაერთი სცენური სახე, რომელთა შორის აღსანიშნავია: შუქია (მინდია); ნათია (განთიადის დედოფალი); ნათია (მეშვიდეცა); აღაზა (სტუმარ-მასპინძელი); ოლივია (მეთორმეტე ღამე); ქეთი (წვიმიანი მზიანეთი); ქეთი (მეფე ლირი თავშესაფარში) და სხვა.
ქალბატონი ნუნუ თეატრში ნაყოფიერი მოღვაწეობისათვის არაერთგზის არის დაჯილდოებული თეატრალური პრემიებით, მინიჭებული აქვს დამსახურებული არტისტის საპატიო წოდება” – ნათქვამია განცხადებაში.