კვიპროსის ნაკრების მთავარმა მწვრთნელმა, თემურ ქეცბაიამ 15 ოქტომბერს გასამართ ევროპის ჩემპიონატის საკვალიფიკაციო ეტაპის საქართველო-კვიპროსის მატჩის შესახებ ისაუბრა.
„თამაშზე არაფერი გვაქვს სათქმელი. სამწუხაროდ, ჩვენ მეტოქესთან სათამაშოდ ძალები მხოლოდ 45-50 წუთი გვყოფნის. არ მინდა თავის მართლება, მაგრამ ნორვეგიისთვის წინააღმდეგობის გაწევა ჩვენთვის ძალიან რთულია. ყველაზე დიდი პრობლემა ის არის, რომ ნორვეგიის მსგავს გუნდებთან მატჩის განმავლობაში ზეწოლას ვერ ვუმკლავდებით”
“ბევრჯერ გვითქვამს, რომ ნაკრების ორ-სამდღიან შეკრებაზე ბევრს ვერაფერს შევცვლით, როდესაც ჩვენი ფეხბურთელები კლუბებში არ თამაშობენ. ასეთ პირობებში შედეგებზე ფიქრი რთულია. ნორვეგიის ნაკრებში კი თითქმის ყველა ფეხბურთელი ტოპლიგებიდანაა. ჩვენ გვინდა მოგება, მაგრამ ნორვეგიას მსოფლიო დონის მოთამაშეები ჰყავს”
“ყველა შეხვედრის მეორე ტაიმი გუნდისთვის პრობლემაა. ახლა საქართველოში გავემგზავრებით, რომელიც, რა თქმა უნდა, ესპანეთის დონის არ არის, მაგრამ კარგი გუნდია და რთული მატჩი გველის. ამიტომ ვეცდებით, ჩავიდეთ თბილისში და იქნებ მცირედს მაინც მივაღწიოთ“, – აღნიშნა ქეცბაიამ.
წყარო: footballnews.ge