ხაშურის მუნიციპალიტეტის საკრებულო სამწუხარო ინფორმაციას ავრცელებს

ხაშურის მუნიციპალიტეტის საკრებულო სამწუხარო ინფორმაციას ავრცელებს:

“ხაშურის მუნიციპალიტეტის საკრებულო ღრმა მწუხარებით იუწყება, რომ გარდაიცვალა ღვაწლმოსილი ქალბატონი, საპატიო ხაშურელი, ფილოსოფოსი, დოცენტი, პროფესორი, საუკეთესო შვილების აღმზრდელი დედა
კლარა ელჩიბეგაშვილი
და სამძიმარს უცხადებს ხაშურის მუნიციპალიტეტის საკრებულოს თავმჯდომარეს ქალბატონ ნინო ლიპარტელიანსა და მის ოჯახს.
კლარა ელჩიბეგაშვილი დაიბადა 1947 წლის 3 ივნისს, ხაშურის რაიონის სოფელ ოსიაურში, პედაგოგების ოჯახში. 1965 წელს წარჩიმებით დაამთავრა ხაშურის III საშუალო სკოლა და ამავე წელს ჩაირიცხა ივანე ჯავახიშვილის სახელობის თბილისის სახელმწიფო უნივერსიტეტში, რომელიც დაამთავრა 1970 წელს და მიენიჭა ფილოსოფოსის, ფილოსოფიისა და საზოგადოებათმცოდნეობის მასწავლებლის კვალიფიკაცია.
1978 წელს წარმატებით დაიცვა საკანდიდატო დისერტაცია თემაზე: „ნიკო ნიკოლაძის ფილოსოფიურ-ესთეტიკური შეხედულებანი“. 1992 წელს მიენიჭა დოცენტის სამეცნიერო წოდება ფილოსოფიის დარგში.
1970 წლიდან მოღვაწეობდა გორის სახელმწიფო პედაგოგიური ინსტიტუტის ფილოსოფიის კათედრაზე, სადაც ეკავა უფროსი მასწავლებლის, დოცენტის თანამდებობები, შემდეგ იყო გორის სახელმწიფო უნივერსიტეტის კათედრის გამგე, პრორექტორი 15 წლის განმავლობაში.
2004 წლიდან კი ეკავა რექტორის თანამდებობა. წლების მანძილზე იყო უნივერსიტეტის პროფესორი.
გახლდათ მრავალი სამეცნიერო შრომის ავტორი. 1999 წელს დაჯილდოებულია ღირსების ორდენით, იაკობ გოგებაშვილის სახელობის მედლით და არაერთი საპატიო სიგელით გორის უნივერსიტეტის წინაშე დამსახურებისათვის.
2016 წელს მიენიჭა საპატიო ხაშურელის წოდება.
ქალბატონი კლარას გარდაცვალება დიდი დანაკლისი იქნება ჩვენი ქალაქისათვის”