ეს ცნობილი ადამიანები საზოგადოებაში ხშირად მაკიაჟის გარეშე ჩნდებიან და ბუნებრივი ფორმითაც იდეალურად გამოიყურებიან. არც ძვირად ღირებული კოსმეტიკის ჩანთა სჭირდებათ იმისათვის, რომ თავი თავდაჯერებულად იგრძნონ:
ალიშა კისი
უკვე 6 წელია, მომღერალი დეკორატიულ კოსმეტიკას, ფაქტობრივად, არ იყენებს. ალიშა შესანიშნავ გარეგნობას ჯანსაღი ძილით, სპორტითა და იოგათი ინარჩუნებს. მისი ყოველდღიური კანის მოვლის რუტინა ვარდის წყალს, თვალის კრემს და, რა თქმა უნდა, დამატენიანებელს მოიცავს, რომელსაც მზისგან დამცავი ეფექტი აქვს.
ჯენიფერ გარნერი
ჯენიფერის ბუნებრივი სილამაზის ერთ-ერთი საიდუმლო დღეში მინიმუმ 8 ჭიქა წყლის დალევაა. ის ასევე იყენებს მზისგან დამცავ კრემს და მის გარეშე, ფაქტობრივად, სახლიდან არ გადის. ყოველდღიურ ცხოვრებაში გარნერი პრაქტიკულად დეკორატიულ კოსმეტიკას არ იყენებს. ხოლო, როდესაც საჯარო ღონისძიებას ესწრება, მაშინაც უმეტესად ბუნებრივ მაკიაჟს ირჩევს.
კამერონ დიასი
კამერონი ჯანსაღად იკვებება და რეგულარულადაა ფიზიკური აქტივობით დაკავებული. ასევე, როგორც ცნობილია, იგი ღამით ავსებს ბოთლში წყალს და დილით, გაღვიძებისას სვამს. ვარსკვლავი ყოველ დილით სახეს ყინულის კუბებით იწმენდს და დეკორატიულ კოსმეტიკაზე უარს ამბობს. საკუთარ კანს ასვენებს და აღდგენის შესაძლებლობას აძლევს.
შარლიზ ტერონი
შარლიზ ტერონი ყოველთვის საოცრად გამოიყურება და ამას ქირურგიული ჩარევების გარეშე ახერხებს. როგორც მსახიობი ამბობს, ღამის რუტინას იცავს, კანს საფუძვლიანად ისუფთავებს, იყენებს დამატენიანებელსა და შრატს. დღეში 3 ლიტრ წყალს სვამს და დაკავებულია სპორტით. ასევე, არასოდეს უგულებელყოფს მზისგან დამცავ კრემს და დეკორატიულ კოსმეტიკას იშვიათად მიმართავს.
ქეით უინსლეტი
როგორც ცნობილია, ქეით უინსლეტის კოსმეტიკის ჩანთა მინიმალური პროდუქტებისაგან შედგება. როგორც წესი, ის ტუჩსაცხს, რუჟს, კორექტორს, ფანქარსა და წარბის გელს იყენებს. ქეითი გაკაჟების მომხრეა და სახეს მხოლოდ ცივი წყლით იბანს. ამის შემდეგ მაშინვე ცხელ ჩაის სვამს და ემოციურ განწყობას აბალანსებს. ასევე, იგი ცდილობს სახეს ნაკლებად შეეხოს ხელით, რომ გამონაყარი არ გაამწვაოს, რეგულარულად იყენებს დამატენიანებელს და კანს კარგად ისუფთავებს.
ოდრი ტოტუ
ბევრი ფრანგი ქალის მსგავსად, ოდრის ბუნებრიობა ურჩევნია და ყოველდღიურ ცხოვრებაში იგი თითქმის არასდროს იყენებს მაკიაჟს. მის კოსმეტიკის ჩანთაში ძალიან ცოტა პროდუქტია და მსახიობი ოფიციალურ ღონისძიებებზე ცდილობს, რომ ბუნებრივი მაკიაჟი აირჩიოს.
ჟიზელ ბიუნდჰენი
41 წლის სუპერმოდელი საოცრად გამოიყურება. იმისათვის, რომ მას ეს შედეგი ჰქონდეს, ჟიზელი სწორად იკვებება, რეგულარულად ვარჯიშობს და კანს საფუძვლიანად უვლის. როგორც ცნობილია, იგი დილას თბილი, ლიმონიანი წყლით იწყებს. დღის განმავლობაში ბევრ ბოსტნეულს მიირთმევს და მზისგან დამცავი კრემის გარეშე არასოდეს გადის სახლიდან.
წყარო:ბომონდი
