საქართველოს მოქალაქეების ნაწილი ისრაელიდან სამშობლოში ბრუნდება. თბილისის საერთაშორისო აეროპორტში თელ-ავივიდან მორიგი რეისი ცოტა ხნის წინ დაფრინდა. საქართველოში ჩამოსული მოქალაქეები ამბობენ, რომ ბილეთების შეძენა საკმაოდ რთულია, რადგან, როგორც კი ფრენა ვებგვერდზე იდება, ეგრევე იყიდება. მათივე თქმით, ერთი მიმართულების ბილეთის ფასი დაახლოებით 1150 ლარია.
შეგახსენებთ, 7 ოქტომბერს, ღაზის სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება ”ჰამასმა” აიღო და მას ოპერაცია ”ალ-აკსას” შტორმი ეწოდა. სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია ”რკინის ხმლების” დაწყება გამოაცხადა.
