თბილისის მერიის მიერ გავრცელებული ინფორმაციით, ბარნოვის ქუჩაზე გადაადგილების შეზღუდვა 15 ოქტომბრამდე გაგრძელდება.
„შეზღუდვის პერიოდში მძღოლები გადაადგილებას შეძლებენ ბარნოვის ქუჩიდან კოტე მაყაშვილის, მიხეილ ზანდუკელის, ერეკლე ტატიშვილის ქუჩების, პეტრე მელიქიშვილის გამზირისა და ძმები კაკაბაძეების ქუჩის გამოყენებით.
მითითებულ საგზაო მონაკვეთზე დროებით იცვლება საზოგადოებრივი ტრანსპორტის მოძრაობის სქემაც და მოძრაობა შესაძლებელი იქნება შემდეგი მარშრუტით:
N408 და N420 მიკროავტობუსები რუსთაველის გამზირის მიმართულებით მოძრაობისას, მაყაშვილის ქუჩიდან ზანდუკელის, ბარნოვის, ტატიშვილის ქუჩების, პეტრე მელიქიშვილის გამზირისა და მერაბ კოსტავას ქუჩის გავლით გადაადგილდებიან“, – აღნიშნულია მერიის განცხადებაში.
