კურო
ასტროლოგების თქმით, ზოდიაქოს ამ ნიშნის წარმომადგენლებისთვის 2023 წლის შემოდგომა ნამდვილად მნიშვნელოვანი და შესაძლოა, გარდამტეხი პერიოდიც კი აღმოჩნდეს. საკუთარ თავში ძალიან დიდი მოტივაციასა და შემართებას აღმოაჩენთ, რომელიც კარიერული და პიროვნული განვითარების გზაზე მნიშვნელოვნად დაგეხმარებათ. თუკი რაიმეს წამოიწყებთ, სწავლას, განხორციელებას გადაწყვეტთ, თქვენი მცდელობა წარმატებით დასრულდება, შედეგი კი სასიამოვნო იქნება. 2023 წლის შემოდგომის დასრულებამდე გაქვთ ყველა შანსი, რომ თქვენი ოცნებებისა და მიზნებისაკენ ნაბიჯები გადადგათ. გარდა ამისა, ოჯახს წევრებთან, ახლობლებთან კიდევ უფრო მეტად დაახლოვდებით და ოჯახური, სასიამოვნო და თბილი ურთიერთობები დაგეხმარებათ, რომ ყოველდღიურ სირთულეებსაც გაუმკლავდეთ და მოტივირებულიც იყოთ.
მორიელი
მორიელებს 2023 წლის შემოდგომის დასრულებამდე მნიშვნელოვანი შეხვედრები და საინტერესო შეთავაზებები ელით. შესაძლოა, სრულიად მოულოდნელად გაიცნოთ ადამიანი, რომელიც თქვენს ცხოვრებაზე სერიოზულ გავლენას მოახდენს, დაგეხმარებათ წინსვლაში და სწორ მიმართულებას გაჩვენებთ. ფინანსური თვალსაზრისით, ასტროლოგების თქმით, შემოდგომა შესაძლოა, თქვენთვის ერთგვარ სიურპრიზად გადაიქცეს და იმაზე მეტი მოგება ნახოთ, ვიდრე გეგმავდით. გარდა ამისა, ის საქმეები, რომლებსაც აქამდე თქვენთვის წარმატება და აღიარება არ მოჰქონდა, ახლა გააქტიურდება. შემოდგომის ბოლო თვეს საკუთარ თავში ძალიან დიდ მოტივაციას იგრძნობთ, რაც გაიძულებთ, სასიკეთო ცვლილებები დაგეგმოთ, განვითარდეთ და კიდევ უფრო მეტად დაწინაურდეთ.
მერწყული
ახლა თქვენს ცხოვრებაში ნამდვილი ცვლილებების დრო დგება. შესაძლოა, ამის გამო შვებაც კი იგრძნოთ, რადგანაც საბოლოოდ გადაწყვეტთ, გააკეთოთ ის, რაზეც მთელი გულით ოცნებობდით და გინდოდათ, მაგრამ გეშინოდათ, მოტივაცია არ გყოფნიდათ და მოსალოდნელი უარყოფითი შედეგები გაფიქრებდათ. ეს წამოწყება კი დიდ წარმატებას მოგიტანთ, რადგანაც გააკეთებთ იმას, რაც ძალიან გიყვართ. 2023 წლის შემოდგომა სამომავლო წარმატებებისკენ უფრო დიდ გზას გაგიხსნით, მეტ ფინანსურ პერსპექტივას გაჩვენებთ და მოგცემთ შესაძლებლობას, დასახულ მიზნებს მიაღწიოთ.
წყარო – “ბომონდი”