ტირილი ამცირებს სტრესის დონეს და ხელს უწყობს ბედნიერების ჰორმონების გამოყოფას. ცრემლები ეხმარება ადამიანის ორგანიზმიდან სტრესის ჰორმონის კორტიზოლის გამოყოფას. გარდა ამისა, ტირილის დროს ორგანიზმი გამოიმუშავებს ოქსიტოცინს და სეროტონინს. ესენი კი ბედნიერების, სითბოს, სიყვარულის ჰორმონებია.
მკვლევრებმა აღმოაჩინეს, რომ ცრემლები – გამოირჩევა დამამშვიდებელი ეფექტით
2014 წლის კვლევის თანახმად, ტირილს შესაძლოა მყისიერი თვით-დამშვიდების ეფექტი ჰქონდეს, ტირილი ააქტიურებს პარასიმპატიკურ ნერვულ სისტემას, რაც ადამიანს განტვირთვაში ეხმარება. თვით-დამშვიდება კი არის, როცა ადამიანები:
არეგულირებენ საკუთარ ემოციებს
ამშვიდებენ საკუთარ თავს
ამცირებენ სტრესს
ასევე ცრემლი გვეხმარება სხვებისგან მხარდაჭერის მიღებაში
თვით-დამშვიდებაში დახმარების გარდა, ტირილის სარგებელი სხვების მხარდაჭერის მიღებაც შეიძლება იყოს.
ერთ-ერთი კვლევის მიხედვით, ტირილი ჩვენ ირგვლივ მყოფი ადამიანების მხარდაჭერის მოლოდინს ქმნის. ეს მდგომარეობა ცნობილია, როგორც ინტერპერსონალური ან სოციალური სარგებელი.
ცრემლი გვეხმარება ტკივილის დაძლევაში
მკვლევარების თანახმად, თვით-დამშვიდების მიზნით ემოციური ცრემლები ოქსიტოცინს და ენდორფინებს გამოათავისუფლებენ.
ეს ნივთიერებები ადამიანებს თავს კარგად აგრძნობინებს და შესაძლოა, დააცხროს როგორც ფიზიკური, ისე ემოციური ტკივილი. ამ გზით, ტირილს ტკივილის შემცირება და კარგად ყოფნის შეგრძნების მოგვრა შეუძლია.
ცუდი ცრემლები
ცრემლების შემადგენლობაში შედის მარილი. დიდხანს ტირილის დროს, ამ კომპონენტს შეუძლია ზიანი მიაყენოს თვალებსაც და სახის კანსაც. უხვცრემლიანი ტირილის დროს თვალები და სახე წითლდება და მცირე ტკივილი იწყება. ამის მიზეზი კანის გამაღიზიანებელი მარილია. უხვი ცრემლების ღვრისაგან ასევე იწყება ძლიერი თავის ტკივილი, გამოწვეული ემოციური გადატვირთვით
