ასტროლოგიურად არსებობს ისეთი ფერები, რომლებიც ფულსა და სიმდიდრეს იზიდავს. ესენია: ყვითელი და ყვითლის ყველა ელფერი, შავი, ყავისფერი, ზოგადად მიწისა და ნებისმიერი ლითონის ფერი, ოქროსფერი და ვერცხლისფერი.
საფულე აუცილებლად უნდა იყოს ტევადი და სასურველია, ჰქონდეს რამდენიმე შიდა ჯიბე. ასევე, უნდა იყოს, ბუნებრივი მასალისგან დამზადებული.
არსებობს, ეგრეთ წოდებული, „ფულის მოსაზიდი“ ჩინური თილისმა, რომელიც ერთმანეთზე გადაბმული სამი მონეტისგან შედგება. ამგვარი თილისმის ყიდვა მაღაზიებშიც შეიძლება გამზადებული სახით, მაგრამ აჯობებს,
თავად დაამზადოთ ის და საფულით მუდამ თან ატაროთ ფულთან ერთად.
ასევე, სასარგებლო ამულეტია საფულით ყურძნის, მწვანე ჩაის ან პიტნის გამოსახულებით ფოტოს ან ნახატის ტარება. ამ მცენარეებს შეუძლია საკმაოდ სოლიდური თანხის მოზიდვა თქვენკენ.
სასურველია, საფულით ატაროთ „ბედნიერი მონეტა“ – პირველი ხელფასიდან, საუკეთესო მეგობრის მიერ ნაჩუქარი ან წარმატებული საქმიანობიდან შემორჩენილი ხურდა ფული.
ლატარიაში ან აზარტულ თამაშებში მოგებული, ნაპოვნი ფული, საფულეში არ უნდა გააჩეროთ, რაც შეიძლება, სწრაფად დახარჯეთ. წინააღმდეგ შემთხვევაში, ასეთი თანხა, თქვენს სამომავლო შემოსავალსაც „დააავადებს“ და ვერასდროს გამოასწორებთ ფინანსურ მდგომარეობას.
ზოგადად, გარშემო ყველაფერს აქვს ენერგია და ეს ფულსაც ეხება. ფული გრძნობს ადამიანის მისდამი დამოკიდებულებას. ამიტომ, როგორც ყველაფერი სამყაროში, ფულიც იმისკენ მიილტვის, ვისაც უყვარს და იცის მისი ფასი, ლამაზადაც კეცავს და ხშირადაც ითვლის.
ჟურნალი “თბილისელები”
