ხურმა — მცენარეთა გვარი აბანოზისებრთა ოჯახისა. სუბტროპიკული და ტროპიკული ხეები და ბუჩქებია. ცნობილია 200-მდე სახეობა; ყოფილ სსრკ-ს ტერიტორიაზე — 3: იაპონური, კავკასიური და ვირგინიული ხურმა. მათგან ბუნებრივად იზრდება მხოლოდ ჩვეულებრივი, ანუ კავკასიური ხურმა მაღალი ხეა.
ხურმის ნაყოფს დიდი საკვები ღირებულება გააჩნია და ეს უმთავრესად – გლუკოზისა და საქაროზის შემცველობის წყალობით. მის შემდგენლობაში შედის ვიტამინი С, პროვიტამინი А (ბეტა–კაროტინი), С, РР, Е ვიტამინები, ვაშლისა და ლიმონის მჟავა, ბევრი რკინა, კალციუმი, სპილენძი, მანგანუმი და კალიუმი.
რა ემართება სხეულს, როდესაც ხურმას ჭამთ?
ძლიერდება იმუნიტეტი
ხურმა განიხილება, როგორც გაციების წამალი, ანტივირუსული საშუალება, რომელიც იმუნიტეტს აძლიერებს. ის უნდა ჭამოთ, თუ თავს შეუძლოდ გრძნობთ. როგორც ჩანს, ეს პროდუქტი ტყუილად არ გახლავთ სეზონური. იმუნიტეტის და ვირუსების თემა ყველაზე აქტუალური სწორედ შემოდგომაზეა. თუ ხურმას დიდი რაოდენობით მიირთმევთ გრიპი და გაციებისგან დაცული იქნებით.
ხურმა აუმჯობესებს მადას, ამაღლებს განწყობას, დადებითად მოქმედებს ნერვულ სისტემაზე, ხსნის დაღლილობას.
ხურმა სასარგებლოა მხედველობისთვის, გულ-სისხლძაღვთა სისტემისთვის, ათეროსკლეროზის პროფილაქტიკისთვის. ორგანიზმიდან გამოდევნის ნატრიუმის მარილებს და ეწინააღმდეგება კენჭების გაჩენას.
ამცირებს სისხლის წნევას – თუ წნევა გაწუხებთ, მიირთვით ხურმა ხშირად. მკურნალობის შემთხვევაში დააბლენდერეთ კანგაცლილი ხურმა, შეურიეთ 1 ჭიქა რძე. სასმელი დალიეთ კვირაში 3-ჯერ.