სოფელ ქვედა კვირიკეში ძლიერი წვიმის შედეგად ადიდებულმა მდინარემ სოფლის გზაზე არსებული სახიდე გადასასვლელი და გზა დაანგრია.
3 ოქტომბრიდან გზაზე გადაადგილება შეუძლებელია და მოსახლეობა შემოვლითი გზით სარგებლობს.
ქობულეთის მერიაში არ აკონკრეტებენ, როდის აღადგენენ ხიდს.
„რადგან შემოვლითი გზა არის, რომლითაც შეუძლიათ ოჯახებმა ისარგებლონ, ამიტომ დროებითი ხიდის მოწყობა არ იგეგმება. ზარალი დაითვლება, გაკეთდება ხარჯთაღრიცხვა და შემდეგ მოეწყობა ხიდი“, – უთხრეს „ბათუმელებს“ ქობულეთის მერიის პრესსამსახურში.
წყარო: „ბათუმელები“
