გადაცემაში „ნიკოლოზის კითხვები“ მსახიობმა გიორგი ყიფშიძემ მამასთან ურთიერთობაზე ისაუბრა და გაიხსენა შემთხვევა, როდესაც ყურა ყიფშიძემ შვილს ხელი გაარტყა.
„უბნის კანონების მიხედვით ჩემი კლასელის დაჭრა მომიწია. მაგრად მცემა. მომერია და მე ვუთხარი, „მე თუ შენ არ დაგჭრა-მეთქი“. ძალიან არ მინდოდა ამის გაკეთება, მაგრამ ყველა მარიგებდა და მეკითხებოდა, „ჰა რას აპირებო“.
ორი ვარიანტი იყო, ან უნდა დამეჭრა, ან ვიქნებოდი…
მოკლედ ხელში დავჭერი.
შემოვიდნენ იმ ადამიანის მშობლები და მამაჩემს უთხრეს, ასე მოხდაო. გადაირია მამაჩემი, მოვიდა და ხელი გამცხო. ეს იყო პირველი და უკანასკნელი შემთხვევა, როდესაც მამაჩემმა ხელი გამარტყა. ტირილი დაიწყო, შემარცხვინეო. მაშინ დაიწყო ოჯახში იმაზე ფიქრი, რომ გავერიდებინე უბნიდან, ქალაქიდან და საერთოდ ქვეყნიდან.. ვაჟკაცური რაღაცები მოსული იყო ჩემს ოჯახში, მთავარი იყო, რამე „ისეთი“ არ დამეშავებინა. დანა როგორ იხმარეო, გადარეული იყო მამაჩემი“. – იხსენებს გიორგი ყიფშიძე.
