Schiaparelli’s Lobster Skirt-ს მოდის ნამდვილ დელიკატესს უწოდებენ. დენიელ როუზბერის, სკიაპარელის შემოქმედებითი ხელმძღვანელის გაზაფხული/ზაფხულის 2024 წლის კოლექცია სწორედ ამით იყო გამორჩეული, რომლის შთაგონება ელსა სკიაპარელის და სალვადორ დალის ერთობლივი ნამუშევარი – ლობსტერის კაბა გახდა.
ლობსტერის მოტივი სალვადორ დალის შემოქმედების ერთ-ერთი მთავარი ხაზია. მისი ლობსტერის ტელეფონი ხომ 1936 წელს რევოლუციას ჰგავდა. ამ მიმართულებით ხელოვანზე გავლენა ზიგმუნდ ფროიდმა და მისმა ცხოვრებამ იქონია.
Schiaparelli SS24-ის მნიშვნელოვანი ნაწილი იყო აქსესუარები – საინტერესო, მასიური ოქროს დეტალებით გაფორმებული კაბები, ჩანთები თუ სათვალეები. კონცეფციისა და სამოსის გარდა, ჩვენება გამოირჩეოდა სუპერმოდელებით და დამსწრე საზოგადოებით.
წყარო: “მარაო.ჯი”
